BYWGRAFFIAD

Ar ôl astudio gyda’r diweddar Peter Prendergast yng Ngholeg Technegol Gwynedd, a Terry Setch yn Sefydliad Addysg Uwch Caerdydd, graddiais a dod yn artist llawn amser ym 1992. Rwy’n gweithio o fy stiwdio yn Y Groeslon, Caernarfon. Mae fy ngwaith cyfryngau cymysg yn darlunio fy ngwreiddiau, atgofion, magwraeth a phopeth sy’n Gymreig, rhywbeth rwy’n hynod falch ohono,ac yn  angerddol amdano. Mae’r dioramâu rwy’n eu creu wedi’u gwneud o papier-mâché, ffabrigau hen ffasiwn, hen ffotograffau ac eitemau wedi’u hailgylchu sy’n dod â’m cerfluniau’n fyw. Mae’r golygfeydd ‘bron’ tri dimensiwn  hiraethus yn cynrychioli bywyd Cymru gyda hiwmor a llawenydd.

Rwyf wedi arddangos mewn amrywiol orielau yng Ngogledd Cymru a Chaerdydd ac rwyf wedi ennill gwobr clodwiw yn yr Eisteddfod Genedlaethol. Mae fy ngwaith i’w weld  mewn casgliadau yn Llyfrgell Genedlaethol Cymru, Aberystwyth a CADW.

Rwy’n gobeithio y bydd fy ngwaith yn y pen draw yn siarad â chynulleidfa ehangach na dim ond yr ychydig ffodus ohonom sy’n dal i allu byw a gweithio yn ein gwlad. Tybed a allai’r gelf atgoffa alltudion, yn ogystal â goroeswyr, o’n hanes cyffredin a’r brwydrau gorffennol sydd wedi ein gwneud ni yr hyn ydym heddiw?

Rwy’n gobeithio gwneud i bobl feddwl am ailgylchu. Nid yn unig ailgylchu ffabrigau, darnau o bapur newydd, ac ati, ond hefyd ailgylchu hen syniadau, ffasiynau a rhagdybiaethau a allai fod o ddiddordeb a dilysrwydd o hyd.

Yn anad dim, rwy’n gobeithio gwneud i chi wenu!